ஐ.நா.வுக்கான இலங்கையின் பிரதி நிரந்தர வதிவிட பிரதிநிதியான மேஜர் ஜெனரல் சவேந்திர சில்வா அமைதிகாக்கும் செயற்பாடுகளுக்கான ஆலோசனைக் குழுவுக்கு ஐ.நா.செயலாளர் பான் கீ மூனினால் தெரிவுசெய்யப்பட்டுள்ளார்.

ஐ.நா. அமைதிகாக்கும் நடவடிக்கைகளுக்கு படைகளை அனுப்பும் நாடுகளுக்கான கொடுப்பனவுகள் மற்றும் ஏனைய விவகாரங்கள் தொடர்பாக ஆலோசனை வழங்குவதற்காக இந்நியமனம் வழங்கப்பட்டுள்ளது. அமைதிகாக்கும் செயற்பாடுகள் தொடர்பாக இத்தகைய பதவியொன்றுக்கு இலங்கையர் ஒருவர் தெரிவுசெய்யப்பட்டமை இதுவே முதல் தடவையாகும். மேற்படி குழுவில் ஆசிய- பசுபிக் நாடுகளை மேஜர்ஜெனரல் சவேந்திர சில்வா பிரதிநிதித்துவப்படுத்தவுள்ளார்.

போரின் இறுதி நாட்களில் தமிழ்மக்கள் மீது பல்வேறு தாக்குதல்களை மேற்கொண்டு போர்குற்றத்தில் ஈடுபட்ட 58 டிவிசன் படைத்தளபதியாக இருந்த சவிந்திரசில்வா போர்குற்றத்தில் ஈடுபட்டா் என்பதற்கான ஆதாரங்கள் வெளியாகியுள்ள நிலையில் பான்கீமூனால் அமைதிகாக்கும் செயற்பாடுகளுக்கான ஆலோசனைக் குழுவுக்கு தெரிவு செய்யப்பட்டுள்ளமை போர்க்குற்வாளியினை பாதுகாக்கும் செயலாக அமைகின்றது குறிப்பிடத்தக்கது.